UEFA i heq të drejtën Milanos për finalen e Champions League
Ishte planifikuarqë finalja e Ligës së Kampionëve 2027 të mbahej në Milano por sot UEFA bën prapakthehu.
Vendimi ishte në ajër dhe tani është zyrtarizuar: Milani nuk do të presë finalen e Ligës së Kampionëve të vitit 2027, këtë e ka bërë të ditur sot UEFA në një postim në fund të mbledhjes së sotme të Komitetit Ekzekutiv të UEFA-s në Pragë.
“Meqenëse Bashkia e Milanos nuk mund të garantonte që stadiumi San Siro dhe zonat përreth nuk do të prekeshin nga punimet e rinovimit gjatë periudhës së finales së UEFA Champions League 2027, u vendos që të mos i jepet finalja Milanit dhe të rihapet. Procesi i aplikimit për të emëruar një vendndodhje të përshtatshme, me një vendim që pritet në maj/qershor 2025”, thuhet në deklaratë.
Në fillim detyra u duk automatike: në fakt, UEFA kishte marrë vetëm dy aplikime për të pritur finalet e Ligës së Kampionëve 2026 dhe 2027, ato në Milano dhe Budapest. Javët e fundit, UEFA kishte vendosur t’ia besonte organizimin e finales së 2026 kryeqytetit hungarez, duke zgjedhur San Siron për aktin final në 2027, por me kusht, për shkak të çështjes ende të pazgjidhur të stadiumit të ri për Interin dhe Milanin.
Ndërkohë FIGC po punon për të nominuar Olimpico-n e Romës si opsion të finales 2027.
