Laçi pret Partizanin, Tirana në kërkim të fitores së parë, Dinamo…
Laçi- Partizani hap ndeshjet e ditës së sotme ‘Abissnet Superiore’ për të mbyllur në mbrëmje kuadrin e javës së 5-të të futbollit elitar.
Në impiantin kurbinas kjo ndeshje do të startojë në orën 16:00 ndërsa pak më vonë në 19:00 dy sfidat; Dinamo Siti- Skënderbeu dhe Tirana-AF Elbasani.
Te dueli i parë pritet një supersfidë. Vendasit e Cungut ende pa fitore këtë sezon e shohin vetën në fund me vetëm 2 pikë ndërsa të kuqtë pas dy fitoreve radhazi e një barazimi spektakolar me Dinamon, janë të interesuar për të kapur kreun që mbahet nga Vllaznia e Egnatia.
Duel interesant pritet të zhvilohet edhe në Tiranë. Bardheblutë kthehen të luajnë një ndeshje në kryeqytet ndërsa përballë do të kenë Elbasanin entusiazt. Edhe skuadra e Shkëmbit ende nuk e ka shijuar fitoren e parë sezonale (katër barazime).
Ndërkohë Dinamo e riformatuar në timon e cilësi, pret në ‘Elbasan Arena’ Skënderbeun. Blutë u shfaqen një skuadër e madhe në derbi me Partizanin teksa dora e trajnerit Ilir Daja ka nisur të ndihet që në fillim. Korçarët për të bërë kthesën, javën e kaluar u mund nga Teuta në shtëpi 2-3.
Sot, java e 5-të:
Laçi- Partizani 16:00
19:00
Dinamo Siti- Skënderbeu (në Elbasan)
Tirana-AF Elbasani (në ‘Air Albania Szadium’)
Luajtur dje:
Egnatia- Bylis 4-0
Teuta- Vllaznia 1-2/ Sportiim.al/
