Klasike kroate, në ‘Maksimir’ Dinamo-Hajduk
Pesë muaj më parë pati trazira të frikshme në tribuna, me vandalizimin e zbritur në fushë gjatë Hajduk- Dinamo Zagreb teksa luhej gjysmëfinalja e Kupës. Pas pak ndeshja e javës së 6-të në kampionat.
Këtë mbrëmje në ‘Maksimir’ të Zagrebit ka një ndeshje klasike ose siç e konsiderojnë në Kroaci “derbi i madh”. Përballë Dinamo Zagreb e trajnerit boshnjak Jakiroviç dhe Hajduk Split i drejtuar nga italiani Xhenaro Gatuzo.
Të dyja skuadrat së bashku me Rijekën përbëjnë tre ekipet kryesus në pesë javë të luajtura. Në fakt Dinamo e Arbër Hoxhës ka dy pikë më shumë se dy ndjekëset por sot diferencat ndoshta do të rriten edhe më tej.
Sergei Jakiroviç tha para takimit se pavarësisht se skuadra e tij niset si favorite, në ‘derbi’ askush nuk mund të jetë i sigurtë.
“Na pret derbi, një ndeshje e vërtetë, nuk ka rëndësi në çfarë forme jemi. Është një ndeshje prestigji, ne e dimë se çfarë mbart ajo. Dy javë me 11 lojtarë në stërvitje, kemi përdorur edhe të rinjtë. Po shëroheshim nga dëmtimet, disa u kthyen në gjendje të mirë nga kombëtaret. Pas të hënës patëm tre stërvitje të mira. Do të bëjmë gjithçka për të fituar tri pikët në derbi, tha Jakiroviç.
Nga ana e tij Gatuzo mbrojti idetë e tij duke deklaruar se; “ne shkojmë në Zagreb për të bërë më të mirën tonë.
Gatuzo:
“Luajmë kundër një klubi që është mësuar me këto lloj ndeshjesh. Ata luajnë gjatë gjithë kohës në nivel të lartë dhe ne duhet të jemi një Hajduk i madh. Shkojmë në Zagreb për të marrë një rezultat të mirë. Ata janë të mirë, por ne do të bëjmë më të mirën”