CL/ Skuadrat shqiptare, tre humbje në të vajtjes

Nga Sporti Im 1 muaj më parë

Ka nisur sot prova e tretë europiane për ekipet shqiptare të mbetura ende në garën e Conference League. Ballkani, Drita dhe Deçiç Tuzi kanë regjistruar tre humbje në tre ndeshjet e para të këtij turi.

E luftuar përballja në “Fadil Vokrri” me zhbllokimin e shifrave që erdhi në minutën e 89″-të. Ekipi i Ilir Dajës nuk i finalizoi si duhet rastet e krijuara përballë irlandezëve, teksa këta të fundit surprizuan në limite me golin e Lusty (89′) duke siguruar fitoren.

Sakaq, turi i tretë për Dritën dhe Deçiç Tuzin nisi gjithashtu me humbje minimale në transfertë. Kosovarët e pësuan shpejt në Letoni, ndërsa malazezët rezistuan më shumë me finlandezët e Helsinkit, por pa sukses.

Ndeshjet e kthimit luhen javën e ardhshme për të tre ekipet shqiptare që i kanë ende llogaritë e hapura për të tentuar kualifikimin në “play-off” edhe pse në disavantazh minimal./Sara Gjidiaj/

Conference League, Turi 3:
Ballkani – Larne 0-1
Auda – Drita 1-0
Helsinki – Deçiç Tuzi 1-0

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!