Papa Françesku bekon Kroacinë: Qëndroni të bashkuar, lutuni…
Ati i Shenjtë Françesku priti sot në mëngjes kryesinë dhe lojtarët e ekipit kroat të futbollit në Vatikan.
Në fillim të audiencës, Papa Françesku uroi kombëtaren për fitimin e vendit të tretë në Kupën e Botës FIFA 2022 në Katar.
Ai i tha ekipit kroat se, duke luajtur futboll, ka nderin të përfaqësojë kombin e tij. Si zakonisht kur takohet me sportistë, ai theksoi rëndësinë e bashkimit. Më pas ai dha një bekim dhe kërkoi nga pjesëmarrësit që të luten edhe për të.
Presidenti i Federatës Kroate të Futbollit, Marijan Kustiq, i ka dhuruar Atit të Shenjtë fanellën e kombëtares kroate me emrin Franjo dhe numrin 1 dhe një top lëkure.