Moti i keq, ndeshjet e Kategorisë së Parë dhe të Dytë spostohen të hënën
Moti i keq që ka përfshirë vendin, e ka detyruar Departamentin e Garave në FSHF të dalë me një tjetër ndryshim në veprimtaritë futbollistike të fundjavës. Sipas tyre, të gjitha takimet e inferiorëve spostohen për ditën e hënë me start orën 13:30.
Njoftimi i Departamentit të Garave në FSHF:
Departamenti i Garave në Federatën Shqiptare të Futbollit bën me dije se do të ketë sërish një ndryshim në kalendarin e ndeshjeve të fundjavës në dy prej kampionateve kombëtare.
Për shkak të kushteve të rënduara atmosferike dhe reshjeve të dendura të shiut ndeshjet e programuara në fundjavë të Kategorisë së Parë dhe Kategorisë së Dytë do të spostohen për t’u zhvilluar ditën e hënë duke nisur nga ora 13:30./Sportiim.al/