Euro 2032/ Italia dhe Turqia falenderojnë UEFA-n
Turqia dhe Italia do të presin së bashku Kampionatin Europian 2032: gjatë një ceremonie që u zhvillua sot në selinë e Konfederatës së Futbollit në Nion, Komiteti Ekzekutiv i UEFA-s caktoi turneun e planifikuar në më pak se 9 vite për kandidaturën e përbashkët të FIGC dhe TFF, Federata Italiane dhe Turke, të cilat korrikun e kaluar kishin vendosur të bashkonin forcat.
Ky është njoftimi i plotë i Federatës Italiane të Futbollit:
“Dëshirojmë të shprehim mirënjohjen tonë ndaj UEFA-s – komentet e presidentëve të FIGC Gabriele Gravina dhe të TFF Mehmet Bulukekshi – për nderin e organizimit të EURO 2032 dy vendeve që ndajnë kulturën mesdhetare.
Federata Italiane e Futbollit dhe Federata Turke e Futbollit kanë bashkuar forcat, me synimin për të pritur kampionatin më të mirë europian të organizuar ndonjëherë, duke ndërtuar ura të reja miqësie dhe duke lënë një kontribut të qëndrueshëm në trashëgiminë e futbollit.Në vitet në vijim, Italia dhe Turqia do të punojnë intensivisht, me shumë pasion dhe përkushtimin për t’u ofruar tifozëve përvojën më të mirë të Kampionatit Europian, siç nënvizojmë në moton; ‘Play as One’.
Kështu në nëntë vitet e ardhshme, Kampionati Europian i Futbollit do të udhëtojë nëpër Europë nga Veriu në Jug, duke kaluar nga qendra e kontinentit: pas edicionit nrumër 17 të turneut të planifikuar pas 8 muajve në Gjermani, do të kalojnë Detin e Veriut, drejt Mbretërisë së Bashkuar dhe Irlandës, të cilave u është caktuar edicioni i vitit 2028, për të bërë më pas një kthesë të plotë natyrisht, drejt jugut, drejt Mesdheu, ku do të mbërrijë në vitin 2032, destinacion Italia dhe Turqia, të cilat do të kenë nga 5 stadiume në dispozicion për secilin vend.
Zgjedhja e UEFA-s mbyll një proces përzgjedhjeje që filloi më 17 dhjetor 2021: kishte 4 aplikime fillestare (Rusi, Mbretëria e Bashkuar/Irlandë, Itali, Turqi), të reduktuara në 3 pas vendimit të Ekzekutivit (2 maj 2023) për t’u deklaruar jo të përshtatshme, në përputhje me neni 16.02 i Rregullores së Kandidimit, dosja e Federatës Ruse të Futbollit (RFU), deri në datën 2 korrik të vitit të kaluar, kur Federatat e Italisë (FIGC) dhe Turqisë (TFF) zgjodhën të punojnë për një dosje të përbashkët.