Milan me bilanc pozitiv, rrit të ardhurat nga…Champions

Rikthimi i Milanit në Ligën e Kampionëve rriti të ardhurat e kuqezinjve në sezonin 2022/23 dhe e rikthyen atë te bilanci pozitiv.

Një rezultat që nuk kishte ndodhur as që nga viti 2006 (në kohën kur Milani mbylli vitin më 31 dhjetor). Sipas vlerësimeve të Calcio e Finanza, rezultati neto në bilanc duhet të jetë pozitiv me gati 13 milionë euro, krahasuar me humbjen mbi 66 milionë euro në sezonin e fitimit të titullit në 2021/22.

Në detaje, xhiroja sipas vlerësimeve duhet të jetë rreth 375 milionë euro, me mbi 77 milionë më shumë në krahasim me sezonin e kaluar, duke përfshirë rreth 6 milionë të ardhura nga menaxhimi i të drejtave të lojtarëve

Për më tepër që Liga e Kampionëve po i shtyn të ardhurat lart, me të drejtat televizive të cilat, duke marrë parasysh edhe ato të lidhura me Serinë A, duhet të kalojnë 160 milionë euro.