Zyrtarizohet Magani, Lushnja me projekt ambicioz
Gugash Magani ka firmosur një kontratë sezonale me Lushnjën në Kategori të Parë. Peqinasi i njohur ka në kontratë dhe opsionin e rinovimit për një sezon tjetër. Teksa ai u prezantua nga Presidentja Sefa, Magani e quajti privilegj angazhimin e ri me lagunarët.
Magani:
“Presidentja e klubit më ka kontaktuar edhe herë të tjera, ndihem i privilegjuar. Për mua është një farë vlerësimi që jam këtu, për mua Lushnja është një skuadër si të gjitha ekipet e Superiores, ka histori ka traditë. Kam firmosur një kontratë 1+1, nëse të dyja palët do të jenë të kënaqur atëherë mund të vazhdoj dhe sezonin e ardhshëm.”
Merkatoja? “Duhet të jemi të kujdesshëm në zgjedhje. Kush lojtar ka kontribuar dhe ka bërë histori me Lushnjen do të jenë pjesë e projektit tim. Padyshim që do të punojmë për të përforcuar skuadrën.”
Në këtë pozicion Gugash Magani teksa ishte në krye të Besës së Kavajës mori vendin e Klevis Dalipit i cili mbylli më 1 qershor 2023./Sportiim.al/