Mazrekaj largohet nga Laçi
Pas një aventure brilante për afro 3 vite, anësori nga Prishtina Mentor Mazrekaj ka mbyllur me Laçin. Njoftimin e ka dhënë vetë 34 vjeçari në një postim në rrjete.
Mazrekaj shkruan në Facebook:
“Ju njoftoj nëpërmjet këtij postimi që nga sot nuk jam më pjesë e KF Laçi. Falënderime të veçanta për presidentin Pashk Laska dhe Prof Shpëtim Duro që mundësuan rikthimin tim në futbollin aktiv. Kanë qenë 3 vite të mrekullueshme me rezultate historike si në kampionatin Shqiptar ashtu dhe në arenën ndërkombëtare me kalimin e shumë tureve. Falënderime për të gjithë tifozët që na përkrahën pavarësisht rezultateve. Me shumë respekt Mentor Mazrekaj”, shkruan futbollisti nga Prishtina.
