Partizani kampion, Marini përcillet pa ‘bujë’
Elton Marini padyshim që ka kontribut të madh te Partizani. Me merkaton e kryer në hyrje apo dalje por dhe atë që prodhoi skuadra në fund të sezonit duke u shpallur kampione e Shqipërisë, treguan se dora e drejtorit sportiv, ka rezultuar e suksseshme.
Sidoqoftë ato nuk kanë mjaftuar pasi sot, klubi kuq njoftoi ndërprerjen e bashkëpunimit.
Njoftimi:
“FK PARTIZANI njofton mbylljen konsensuale të bashkëpunimit me Drejtorin Sportiv, Elton Marini. Partizani falenderon Marinin për gjithçka ka dhënë për klubin e kuq në një vit të suksesshëm ku Partizani u shpall Kampion i Shqipërisë. Bashkëpunimi i Partizanit me Marinin do të vazhdojë në forma të tjera.”/Sportiim.al/