Europa dhe Conference League, sot njihen finalistët
- Finalja e UEFA Europa League në “Puscas Arena” të Budapestit më 31 maj ndërsa ajo e Conference League më 7 qershor në “Fortuna Arena” të Pragës.
Uefa Europa League dhe Conference League do të zhvillojnë sot ndeshjet e kthimit për të përcaktuar dy skuadrat finaliste në të dy kompeticionet.
Në Ligën e Europës ndeshjet e mbrëmjes së sotme janë Leverkusën- Roma dhe Sevilja- Juventus. Nëse Roma shkon me avantazhin e fitores së parë 1-0 te takimi ndërmjet Seviljes dhe Juves, barazimi i së vajtjes 1-1, intrigon biletën e finales.
Liga e Conferences gjithashtu luan sot dy takime mjaft të veçanta. Kështu në Zvicër, Bazeli i Taulant Xhakës dhe Andi Zeqirit përballë Fiorentinës do duhet të mbrojë avantazhin e takimit të luajtur në “Franchi” 1-2.
Ndeshja tjetër i përket duelit AZ Alkmar- Uest Hem me anglezët që nisën favoritë pas suksesit të takimit të parë 2-1.
Liga e Europës ora 21:00
Leverkusën- Roma (0-1)
Sevilja- Juventus (1-1)
Liga e Konferencës ora 21:00
Bazel- Fiorentina (2-1)
Az Alkmar- Uest Hem (1-2)/Sportiim.al/