Racizmi/ Galtier rrezikon 3 vite burg
Skandali me trajnerin e PSG-së ose siç etiketohet këto ditë si ‘Rasti Galtier’ është larg të qenit i arkivuar.
Trajneri i lindur në Marsejë, përfundoi në stuhi akuzash për racizëm javën e kaluar pas raportimëve të një gazetari të RMC Sport.
Ai kishte zbuluar përmbajtjen e e-mailit të dërguar nga Julien Fournier drejtuar drejtuesve të klubit të Nice, në të cilin ish-drejtori sportiv fliste për disa komente raciste nga Galtier teksa drejtonte Nicën
Sipas asaj që u raportua, tekniku aktual i PSG, nuk do të kishte dashur kaq shumë lojtarë me ngjyrë dhe myslimanë në skuadër. Fraza që padyshim ndezën opinionin publik dhe nëse vërtetohen, mund t’i kushtojnë shtrenjtë trajnerit i cili rrezikon tre vite burg dhe 45 mijë euro gjobë.