Spaleti para Milanit: Jemi tok, me tifozët u vendos paqja
Në prag të ndeshjes së dytë çerekfinale të Ligës së Kampionëve kundër Milanit, Luçiano Spaletti foli për ndeshjen në Radio Kiss Kiss Napoli:
“Formacioni? Pak a shumë e kam parasysh.Është e qartë që do të shohim edhe lojtarët në stërvitje”. Rreth Osimhenit. “Ai dha atë shpërthim entuziazmi që tifozët tanë tani ia atribuojnë me të drejtë dhe ai menjëherë tregoi se ishte në ndeshje – shpjegoi trajneri i Napolit -. Atij i duheshin këto 25 minuta për të qenë gati për të luajtur të martën. Ka bërë një punë të mirë dhe korrekte”.
Kundër kuqezinjve nuk do të ketë Kim dhe Anguiza të pezulluar: Huan Zhezus dhe Ndombele (përpara Elmas) zëvendësuesit. Osimhen rikthehet nga 1′ në qendër të sulmit me Kvara dhe Lozano (përpara Politanos) në krah. Në mbrojtje rolin e mbrojtësit të majtë duhet të jetë Mario Rui, përpara Oliverës.
Spaleti nuk e fsheh gëzimin e madh për paqen e vendosur me tifozët. Kontributi i tyre themelor do të duhet gjithashtu për të përmbysur barazimin 0-1 në San Siro. “Kjo është një gjë thelbësore për ne. Kur pashë që kishte një afrim u gëzova shumë, kjo ishte falë De Laurentis. Unë them se privimi i lojtarëve tanë nga bashkëpunimi dhe dashuria e tifozëve, të cilët luftojnë ndër të tjera, ishte e padrejtë t’i mbajmë të fshehur. Tani që jemi të gjithë në këtë pikë, për të dashur Napolin, gjithçka na bëhet më e lehtë”.
Trajneri iu rikthye edhe barazimit zhgënjyes 0-0 ndaj Veronës. “Prisja që ndeshja kundër Veronës të ishte kaq e vështirë. Duhet të kishim mendje të pastër. Në fazën e mbajtjes së topit nuk mundëm të gjenim hapësirë mes lojtarëve të tyre. Ata janë mësuar të luajnë këtë lloj ndeshjeje dhe u ndihmuan nga qëndrimi ynë pa shumë qartësi”.
