Skënderbeu-Korabi supersfida e ditës, Dinamo pret Besën në Kamëz

Përgatiti: Erga Kenga

Akti i 23-të në Kategori të Parë do të vendosë përballë duele mjaft delikate. Nisur që nga sfida e Lezhës aty ku Besëlidhja mund t’i japë zyrtarisht lamtumirën Kategorisë së Parë.

Supersfidë në vete, parashikohet ajo e Korçës teksa Skënderbeu kryesues, ndeshet me Korabin ambicioz. Në Orikum, vendasit presin Turbinën. Njëra nga dy skuadrat, me shumë gjasë, do të jetë shoqëruesja e lezhjanëve drejt Kategorisë së Dytë.

Ndërkaq Tomori- Apolonia në duelin tipik për të mbajtur ose kapur zonën ‘play off’ çka ofron mundësi për t’u ngjitur në Superiore.

Histori tjetër sfidat Burreli- Flamurtari dhe Dinamo-Besa. Vlonjatët për të qëndruar në valle, për një biletë elite, e kanë detyrim fitorën në “Liri Ballabani”.

Sikundër Dinamo e cila pozicionohet e dyta dhe luan në Kamëz me Besën. Blutë kanë disa mungesa si golashënuesi më i mirë i kësaj lige Denison por dhe mbrojtësi Prodani dhe mesfushori Smaçi.

Kur kanë mbetur dhe 4 xhiro, kryeson Skënderbeu me 42 pikë, ndjekin Dinamo 41 dhe Flamurtari 39 pikë. Sakaq, Lushnja pas përjashtimit të Tërbunit (nga Disiplina) merr tri pikë në tavolinë.

Në ligën e dytë, përpos Tërbunit do të rrëzohen direkt dhe tri ekipet e tjera të fundit të tabelës.

Java e 23-të Kategori e Parë

15:00

Besëlidhja- Luzi 2008

Oriku- Turbina

Dinamo-Besa

Burreli- Flamurtari

Tomori- Apolonia

Skënderbeu- Korabi

Tërbuni- Lushnja 0-3 (tavolinë)

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!