Këln shkel rregulloren, rrezikon merkaton dhe gjobë
Nuk është ende zyrtare, por sipas raportimeve nga shtypi gjerman, një dënim i rëndë është në rrugë e sipër për Këlnin që militon në Bundesligë.
FIFA pritet ta ndalojë klubin nga operimi në tregun e transferimeve në dy sesionet e ardhshme. Kjo pason faktet rreth nënshkrimit të sulmuesit Jaka Cuber Potocnik. Këlni e kishte bindur që të zgjidhte kontratën me Olimpija Ljubljana, në mënyrë që të mos paguante koston e kartonit.
Për këto arsye, Këln vihet në shënjester teksa do të duhet të paguajë edhe një gjobë prej 54 mijë eurosh për Olimpija. Potocnik u pezullua për katër muaj. Këlni ka tani 20 ditë për të apeluar në CAS./Foto: Twitter/Sportiim.al/
