Flamurtari paraprin, në Lezhë ka një finale
Kategoria e Parë luan javën e 16-të të saj. E shpërndarë në dy ditë, inferiorët me llogari të hapura për verdiket sezonale. Dinamo udhëton drejt Burrelit, Skënderbeu pret Orikun ndërsa Flamurtari sot në impiantin e tij do përballet me cerrikasit e Turbinës.
Ndërkaq mjaft interesant duket edhe dueli i Lezhës ndërmjet Besëlidhjes dhe Lushnjes. Dy skuadrat e njohura kërkojnë daljen nga zona e kuqe me të përbashkten e trajnerit Bano i cili në krye të lezhjanëve do sfidojë të shkuarën,Lushnjen.
Provë e vështirë për Korabin në transfertën e Luzit. Dibranët duken fotokopje e sezonit të kaluar teksa orvaten të mbajnë gjallë shpresat për tu ngjitur.
Java e 16-të:
Sot, ora 13:00
Besëlidhja-Lushnja
Flamurtari- Turbina
Tomori-Tërbuni
Nesër,ora 13:00
Luzi 2008-Korabi (12:30)
Apolonia- Besa
Skënderbeu-Oriku
Burreli-Dinamo