Partizani kërkon tri pikët, Dinamo për të mbajtur larg Skënderbeun
Java e 21-të Abissnet Superiore e cila u luajt të shtunën dhe të dielën, sot mbyll me sfidën e Ballshit teksa në “Adush Muça” në 13:00, Bylis do të presë Partizanin.
Vendasit me disa mungesa kryesore si Beji, Trumçi, dhe Damçevski e kanë të ndaluar dështimin pasi zhvillimet e javës e lënë ende në zonën e ftohtë.
Analoge duket edhe situata te të kuqtë. Klubi kryeqytetas vjen prej 5 javëve pa fitore por ndryshe nga mallkastriotët duket se është ‘ndihmuar’ nga skuadrat e kreut duke mbetur ende në valle për të tentuar titullin. Fitorja e tyre do të konvertohej me diferencën prej vetëm 3 pikësh me Tiranën që doli pa pikë dje nga përballja me Vllazninë.
Me Kolelën në ndeshjen e “provës” personale, Partizani do duhet të ndjejë mungesën e Sotës në prapavijë dhe të një presioni të madh për të rikthyer besimin e humbur gjatë vitit 2023.
Ndërkaq në Kategori të Parë ndërsa java e 15-të u luajt në fundjavë, pas pak supersfida Dinamo- Skënderbeu. Në “Selman Stërmasi” blutë e Nevil Dedes për të konsoliduar kreun (30 pikë) ndërsa korçarët për të sulmuar pikërisht vendin e parë (26 pikë).
Me dy bileta ngjtjeje në dispozicion, gara në inferiore duket më e ndezur se kurrë pasi veç dy skuadrave të përballjes së sotme me këtë objektiv gjënden dhe Korabi, Flamurtari i Vlorës dhe Besa./Sportiim.al/
Abissnet Superiore, java e 21:
Bylis- Partizani 13:00
Kategoria e Parë, java e 15:
Dinamo- Skënderbeu 13:00 (në Selman Stërmasi”)