Superiorja në tri ditë, nesër Laçi dhe Kukësi pritës…
Kampionati elitar i futbollit, edicioni i 84-ët, ka hyrë thuajse në fazë deçizive. Pas 20 javëve, Tirana kryeson e shkëputur nga Vllaznia e Partizani me 6 pikë duke treguar hapur ambicjet e klubit ndërsa kërkon të qëndrojë në fronin ku mbylli sezonin e kaluar si kampion.
Do të luajë të dielën në Shkodër me Vllazninë si pritëse teksa edhe në fazën e katërt, do jetë sërish vizitore e ‘Loro Boriçit’. (Rimbjellja e “Loro Boriçi”-t ka spostuar ndeshjen e fazës së dytë në kryeqytet).
Po të dielën në fushë, një tjetër çift interesant. Erzeni- Teuta në aktin e tretë sezonal e me shumë pritshmëri sportive. Ndërkaq Bylis- Partizani kanë shtyrë takimin e tyre për të të dielën.
Megjithatë java e 21-të starton nesër me dy takime të orës 13:00. Në Laç dhe në ‘Kukës Arena’ duelet Laçi- Egnatia dhe Kukësi- Kastrioti.
Java e 21-të, Abissnet Superiore:
Nesër:
13:00
Laçi- Egnatia
Kukësi- Kastrioti
Të dielën:
16:00
Tirana-Vllaznia (në Shkodër)
Erzeni- Teuta
Të hënën
13:00
Bylis- Partizani /Sportiim.al/