Mezani: E kemi vlerësuar Tiranën, presim regjistrimin e Guindos
Laçi e nis 2023-in me një supersfidë shtëpiake. Bardhezinjtë e drejtuar prej afro dy muajsh nga Gentian Mezani, për javën e 16-të Abissnet Superiore (13:00), do të presin të premten kampionët e Shqipërisë, Tiranën.
Para takimit, vlonjati i pankinës kurbinase tha:
Si vjen Laci pas pauzës…situata me grupin e futbollisteve…
“Për momentin kemi disa mungesa por shpresojmë që në ditët në vijim ti rekuperojmë”
A mund të konsiderohet kjo ndeshje një sfidë e cila vendos disi në objektivin e Lacit për europën?
“Kjo ndeshje është një sfidë shumë e rëndësishme për Laçin. E kemi vlerësuar maksimalisht për vetë objektivat që kemi”.
Guindo, gjendja e tij dhe a mund të jetë në fushë neser?
“Jemi në pritje të regjistrimit të tij zyrtar. Guindo ka gjëndje mjaft të mirë dhe mendoj se do të jetë një forcë e shtuar për ne.”
Do ketë perforcime të tjera gjatë janarit?
“Në këtë pikë ne do të jemi shumë të kujdesshëm”/Isuf Myrtaj- Sportiim.al/
