Di Mateo gjën punë në Kore të Jugut
Me Çelsin si trajner, në maj 2012, fitoi Ligën e Kampionëve ndaj Bajernit në Mynih (4-3 pen)
Roberto Di Mateo rinis nga Koreja e Jugut Ish-mesfushori i Lacios, Shalkes dhe Çelsit është emëruar konsulent teknik i Jeonbuk. Lajmin e ka bërë vetë klubi me një mesazh të postuar në rrjetet sociale.
Pas prezantimit ai tha:
“Mezi pres të ndaj përvojën time me të gjithë stafin teknik dhe trajnerin Sang-sik Kim dhe të jem pjesë e një aventure të suksesshme ku klubi do të fitojë shumë tituj për tifozët e Jeonbuk”, tha Di Mateo.
Për italianin, angazhimi në Korenë e Jugut i jep fund një pauze më shumë se gjashtë vjeçare, e cila filloi në tetor 2016 pas largimit nga Aston Vila si trajner./Sportiim.al/