Talenti/ Zira fiton Kupën në Itali
- Transferohet dy ditë para finales, gjigandi Leonardo Zira (1.88) zbret në fushë për finalen e trofeut të parë të klubit italian.
Kërkohen vazhdimisht talente. Afër dhe larg. Ndoshta niveli ‘Eccellenza’ në Itali nuk ndiqet dhe aq por aty sapo është korurëzuar me Kupën e Italisë (të këtij niveli) shqiptari Leonardo Zira.
Sulmuesi ekselent vetëm pak ditë më parë u transferua nga Sangiustese (Ankona) për te Valdichienti Ponte. Dhe menjëherë aktivizimi e trofeu i parë për klubin e ri të 22 vjeçarit.
Përballë pati skuadrën Urbino në një finale mjaft të luftuar e të fituar me një penallti në të 55′-ën nga Valdichenti. Tani skuadra e Zirës pritet të ngjitet në D. Ai ka shënuar në 4 sezone mbi 80 gola.
Ndërkaq mediat pranë finalistit Urbino (rivalit në finale) shkruajnë: Finalja solli fitoren Valdichientit i cili tani do të provojë ngjitjen për në D. Ëndrra e Urbinos bie në finale dhe Valdichienti Ponte ngre Kupën e Italisë, duke fituar 1-0 kundër Bianchelli në Senigallia, falë një penalltie “shumë bujare”./Sportiim.al/