SHBA merr vendin e dytë, Anglia formalitet
Botërori 2022, Grupi B:
Iran – SHBA 0-1
Uells – Angli 0-3
Nuk ka më enigma as në Grupin B. Përpos Anglisë, edhe SHBA-ja pret biletën për të kaluar në fazën tjetër.
Pas fitores ndaj Iranit në shifrat minimale 1-0, amerikanët sigurojnë vendin e dytë në grup. Goli i Pulisiç në pjesën e parë ishte vendimtar teksa amerikanët dominuan një pjesë të mirë të lojës.
Sakaq, në sfidën e luajtur paralelisht anglezët fituan bindshëm ndaj Uellsit. Rashford 2 herë dhe Foden shënuan për kombëtaren e “Tre Luanëve” që ruan kreun e Grupit B me 7 pikë duke u kualifikuar për më tej.
Në vend të dytë renditen SHBA-të me 5 pikë ndërsa 2 më pak ka Irani i vendit të tretë. Tabelën e klasifikimit e mbyll Uellsi me vetëm 1 pikë.
Kështu, janë përcaktuar 2 sfidat e para për raundin tjetër ku Anglia gjen Senegalin dhe Holanda përballet me SHBA-në./Sara Gjidiaj/