Testi/ Belgjika befasohet nga Egjipti, Salah bën liderin…
Belgjika, Kanadaja, Kroacia dhe Maroku. Këto janë 4 skuadrat e ‘Katar 2022’ të Grupit F që nisin ndeshjet e tyre më 23 nëntor.
E nëse Serbia fioi 1-5 sot ndaj Bahrenit në miqësore para se Kupa e Botës të startojë më 20 nëntor, befasia në këto teste e ka emrin Belgjikë.
Skuadra e spanjollit të ‘Djajëve të Kuq’ Roberto Martinez u mund sot në Kuvajt 1-2 nga Egjipti i Mohamed Salah.
Fillimisht një gabim i De Brynje në hyrje të zonës, i dha mundësinë Mostafa Muhamed të godasë nga jashtë zone për të mundur portierin Kurtua (33′). Më pas skenën e merr sulmuesi egjiptian i Liverpulit Mohamed Salah teksa jep një superasist për Trezeguet (46′) për ti dërguar shifrat në 2-0.
Goli i vetëm i belgëve erdhi në minutën e 76′ realizuar nga sulmuesi i Lens, Openda. Një zhgënjim i madh i skuadrës europiane e cila pavarësisht se luajti me formacion titullar, nuk arriti të ndalë triumfin e Egjiptit./Sportiim.al/