Krymi kampion në Bjellorusi
- Ardit Krymi, mesfushori shkodran dhe Valon Ahmedi nga Ohri, shpallen kampion në Bjellorusi me Shahtjor Soligorsk.
Me fitoren e sotme 4-1 ndaj Belshina Bobruisk ekipi i Shahtjor Soligorsk ka siguruar matematikisht titullin kampion i vendit.
Në gjirin e skuadrës belloruse aktivizohen shqiptarët Krymi dhe Ahmedi të cilët sot përpos kurorëzimit me titullin kampion u aktivizuan duke ndarë me njëri tjetrin kohën prej 90′.
Shkodrani i cili priste një ftesë nga Reja për ndeshjet miqësore e nisi nga fillimi por në të 69′ ai la vendin futbollistit nga Maqedonia e Veriut i cili realizoi dhe golin e 4 të skuadrës më të re kampione./Sportiim.al/