Kupa/ Laçi dhe Bylis fitore me goleadë, Teuta kalon me vështirësi

Tërbuni-Lushnja shkoi në shtesë, fiton Tërbuni 3-2, kualifikohet Lushnja me rezultatin e përgjithshëm 4-3.

Laçi priti Devollin sot në Pezë në ndeshjen e kthimit të turit të parë të Kupës së Shqipërisë. Bardhezinjtë fituan me rezultatin 5-0 dhe me rezultatin e përgjithshëm 7-0 kalojnë më tej.

Për kurbinasit ka shënuar Prengaj në minutën e 23′, më pas goli i dytë u realizua nga Babatunde në minutën e 36′ dhe në të 38′ ishte ish anësori i Korabit Geci ai që shënoi të tretin.

Sërish Geci në pesjëne dytë në minutën e 66′ ndërsa Babatunde i dërgoi shifrat në 5-0 në minutën e 71′-të.

Ndërkohë, kalon me mjaft vështirësi Teuta në duelin me Luzi 2008. Pas 0-0 në të vajtjes, me fillimin e pjesës së dytë Karabeci realizon golin e parë. Në fund të ndeshjes, Hebaj me penallti ka vulosur kualifikimin me shifrat 2-0.

Fiton me goleadë Bylis ndaj një Pogradeci i cili shënoi i pari e pësoi më pas 7 gola.

Ndërkaq Tërbuni-Lushnja shkoi në shtesë pasi shifrat 3-1 të 90 minutave të takimit në Pezë nuk i mjaftuan pukjanëve të cilët kishin humbur takimin e parë 2-0. Në kohën 2 herë nga 15′ skuadra e Klodian Duros ia doli të shënojë golin kualifikues. Ndeshja u mbyll 3-2.

Në kllapa ndeshjet e para.

13:00

Laçi– Devolli 5-0 (2-0) (në Pezë)

15:00

Tërbuni-Lushnja 3-2 (0-2) (në Pezë) pas kohës shtesë.

14:00

Bylis-Pogradeci 7-1 (3-0)

Teuta– Luzi 2008 2-0 (0-0)

Dinamo-Butrinti (1-0) fiton Dinamo në ‘tavolinë’ 3-0.

Të mërkurën:

14:00

Tirana- Veleçiku (3-0) (në Skënder Halili’)