Muçi shënon në miqësore, trajneri e vlerëson me ’10’
Trajneri Kosta Runjaiç: “Muçi u paraqit shumë mirë, ai përbënte kërcënim të madh për kundërshtarin”
Nuk e ftoi Kombëtarja por Ernest Muçi vijon të shkëlqejë në Poloni. Me kampionatin që ka ndalur për shkak të ndeshjeve të Ligës së Kombëve, kryesuesit e Legias së Varshavës, luajtën pak çaste më parë një miqësore me Stal Mielec.
Miqësorja u hap nga goli i tiranasit që në minutën e 6-të ndërsa më pas shënuan dhe Baku e Navorcki për një 3-0 final. Në këtë duel testues, Ernest Muçi luajti si një lojtar ’10’ -ësh.
Muçi vrapoi në zonën e penalltisë pas një pasimi nga Augustyniak goditi e mundi Przemysłav Peksa me një gjuajtje tokazi në shtyllën e dytë.
Sakaq nga minuta e 62′ në fushë për Legian, u hodh edhe mesfushori Jurgen Celhaka./Sportiim.al/