Gega, largimi i dytë nga Kukësi

Ajo që flitej nën zë ngjau sot. Skënder Gega nuk është më trajner i Kukësit. Klubi verilindor ka njoftuar ndërprerjen e bashkëpunimit me trajnerin Gega pas rezultateve të dobëta në këto 4 javë kampionat.

Ka qenë vetë 58-vjeçari që ka paraqitur dorëheqjen edhe pse ka pasur besimin e presidentit Gjici dhe stafit për të vazhduar më tej në krye të pankinës së Kukësit. Më pas klubi dha lajmin zyrtar…

Kështu, Gega është trajneri i dytë i larguar në këtë start kampionati duke pasuar Reanto Arapin.

“NJOFTIM I KLUBIT!

FK Kukësi njofton ndërprerjen e bashkëpunimit me trajnerin Skënder Gega. Pas rezultateve të ndeshjeve të para, trajneri Gega ka paraqitur dorëheqjen në klub dhe pavarësisht besimit që i është dhënë nga klubi, trajneri Gega nuk ka bërë kthim pas.

“Falënderoj klubin dhe Presidentin e Nderit, Safet Gjici për mbështetjen dhe besimin. Falënderoj të gjithë bashkëpuntorët që kisha, por besoj se kjo është më e mira në këtë situatë”, u shpreh trajneri Gega.

Klubi i Kukësit e falënderon trajnerin Gega për bashkëpunimin dhe i uron suksese në karrierën e tij.”

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!