Shkëmbi rikthehet te Teuta
Pas shkarkimit të Renato Arapit si shkak i rezultateve të dobëta të Teutës në këto 3 javë kampionat, durrsakët kanë gati emrin e ri që do të marrë drejtimin e skuadrës në vijim.
Sipas asaj që raporton “Supersport”, do të jetë Bledi Shkëmbi pasuesi i Renato Arapit që do të vihet në krye të pankinës së Teutës. Prezantimi zyrtar do të bëhet ditën e nesërme në 18:00, ndërsa sot stërvitja është drejtuar provizorisht nga Bledar Hodo dhe Vangjel Mile.
Shkëmbi ka drejtuar dhe më herët “Djemtë e Detit” në sezonin 2018-2019, teksa pozicionin e trajnerit e ka provuar edhe te Ballkani apo Dinamo./Sara Gjidiaj/