Starton Kategoria e Parë, formula dhe favoritet
Nga:Erga Kenga
Muajt ia lënë vendin ditëve ndërsa futbolli inferior është gati të nisë. Sipas Departamentit të Garave në FSHF, Kategoria e Parë, konceptuar këtë edicion me 14 skuadra, do të startojë më 3 shtator 2022.
Dinamo, Skënderbeu, Korabi, Apolonia, Tomori, Burreli, Besa, Lushnja, Flamurtari, Tërbuni, Besëlidhja, Turbina, Oriku dhe Luzi 2008 janë skuadrat të cilat do luftojnë për 2 bileta direkte për tu pomovuar në Abissnet Superiore ndërsa e treta, e dalë nga faza play off, do kërkojë ngjitjen përmes një ndeshjeje të vetme më vendin e 8-të të Superiores.
Edhe këtë sezon ata që mbetën në fund të klasifikimit; vendi i 11, 12, 13, 14 do të rrëzohen një ligë më poshtë ndërsa vendet 9-të dhe 10-të, luajnë në fazë play out me vendet e dyta të grupeve të Kategorisë së Dytë.
Favoritet dhe kalendari i javës së parë 3 shtator 2022, ora 15:00
Dinamo e Tiranës konsiderohet skuadra e parë cila duhet të mundet nga simotrat në garë. Nevil Dede me të tijtë gjatë verës u shfaqën të fortë në teste duke konkuruar e marrë rezultate të kënaqshme me skuadrat e elites. Do ti zhvillojë ndeshjet në ‘Selman Stërmasi’.
Kandidatë dinjitozë për kreun duken dhe Skënderbeu, Apolonia, Korabi, Flamurtari, Tërbuni, Besa, Tomori e Lushnja.
Besa e Kavajës do ti zhvillojë ndeshjet si pritës në Rrogozhinë ose Peqin.