Shkurtaj e Tafas stërviten te Kukësi, Europa pranë dhe larg
Te Kukësi nuk mund të mjaftojë vetëm fakti i ingurimit të një impianti modern si “Kukës Arena”. Dymbëdhjetë ndeshje radhazi me vetëm një fitore ndaj Dinamos, e kanë spostuar skuadrën verilindore poshtë zonës ‘euro’ duke bërë që Liga e Konferences të vihet totalisht në pikëpyetje.
Këtë javë udhëton në Shkodër për tu ndeshur me Vllazninë me të cilën ndan vendin e 4-5 me 46 pikë. Një duel i drejtpërdrejtë për të kapur vendin e 3-të apo ruajtur atë të 4-ët çka e kombinuar me finalen e kupës Laçi- Vllaznia (31 maj) mund të ofrojë një biletë kontinentale.
Ndërkaq, Gjici konfirmoi teknikun Longo mes kritikave të forta ndaj italianit dhe sanksionëve që kreu i pankinës mund të marrë nëse nuk arrin objektivin minimal, daljen në Conference League.
Për më tepër, në këtë ‘finale’ në ‘Loro Boriçi’, ekipi i Kukësit, do vuajë mungesën e De Lukas dhe të Ndrecës. Pa përmendur këtu gabimet e janarit apo ato disiplinore. Nga verilindorët u huazuan te Teuta, Daci e Peposhi ndërsa e pafalëshme duket largimi i një ‘xholi’ si Ardit Hila.
Lajm i mirë i ditës fakti që Vasil Shkurtaj dhe portieri Anxhelos Tafas u stëvitën së fundi me grupin.
Kalendari i Kukësit në vijim:
Vllaznia- Kukësi (të hënën në orën 19:45)
Kukësi- Dinamo
Kukësi- Skënderbeu
Tirana- Kukësi /Sportiim.al/