Kukësi pret Tiranën, Dinamo finalja në Elbasan
Kukësi pret Tiranën në Rrogozhinë, Dinamo pret rrogozhinasit në Elbasan.
Në Rrogozhinë, me start orën 13:45 Kukësi -Tirana në prologun e javës së fundit të fazës së tretë. Në dukje një finale e denjë për të dy klubet.
Kukësi kërkon europën dhe një dështim ndaj bardhebluve do të thotë një shans më shumë për ekipe si Vllaznia e Partizani në tentativë për të kapur vendin e tretë.
Tirana do pikët që e afrojnë ndjeshëm me titullin e 26-të. Kontigjenti i Kukësit njeh mungesën e portierit Tafas. Te Tirana, në pikëpyetje Redon Xhixha.
Në ‘Elbasan Arena’, Dinamo në 16:45 në finalen e parë të zonës së ftohtë të renditjes. Vanoli me të tijtë pritet t’i kthjenë në beteja të mëdha sportive javët deri në fund të sezonit. Blutë presin Egnatian e cila pozicionohet 4 pikë mbi ekipin kryeqytetas.
Java e 27-të, sot:
13:45 Kukësi- Tirana
16:45 Dinamo- Egnatia