Bylis dhe Erzeni bashkëryesojnë, ngjitet Apolonia

Janë luajtur sot 6 takime të Kategorisë së Parë në futboll. Në Shijak, Pezë-Helmës, Lushnjë, Fier, Burrel dhe Peqin, ndeshje me rivalitet e plot befasi. Pas 22 javëve Bylis mbërrihet në krye nga Erzeni i Shijakut që drejtohet nga Nevil Dede.

Nëse në ‘Roza Haxhiu’, Bylis gjeti po atë rival Lushnjën si në sezonet e kaluara teksa duelonin fort për tu ngjitur (u mbyll 1-1) në ‘Tofik Jashari’ Erzeni shënon një gol në portën e Tërbunit me Ymerin dhe merr tri pikë.

Ecuri prej kampioni e Apolonisë ndërsa në shtesë kalon Besën 2-1. Tani “maja” e Korabit” jo dhe aq larg.

Shifrat e javës së 22-të

Erzeni-Tërbuni 1-0

Shkumbini- Butrinti 1-2

Vora- Besëlidhja 2-4

Apolonia- Besa 2-1

Burreli- Turbina 3-0

Lushnja- Bylis 1-1

Të hënën:

14:00

Korabi- Pogradeci

Maliqi- Tomiri /Sportiim.al/