Muriqi, vjen oferta nga Franca
Dupraz, trajneri i Sent Etien në Francë, në përpjekje për të përforcuar skuadrën, i ka përcjellë një ofertë Lacios për Vedat Muriqin.
Sipas informacioneve të gazetarit turk Yağız Sabuncuoğlu, klubi i Ligë 1 ka marrë masa për Vedat Muriqin. Klubi i Sent Etien ka dërguar një ofertë konkrete huazimi te Lacio e drejtorit Igli Tare.
Tani mbetet për t’u parë nëse të Gjelbrit do të jenë në gjendje të bindin lojtarin e Serisë A që t’i bashkohet gjatë këtij afati kalimtar dimëror dhe nëse Pascal Dupraz më në fund do të marrë në dorë përforcimin e tij të shumëpritur në sulm.
Në fakt Sent Etien u forcua ndjeshëm duke regjistruar afrimet e Bakary Sako, Paul Bernardoni, Sada Thioub, Joris Gnagnon dhe Eliaquim Mangala. Një sulmues si Muriqi, pritet të mbyllë hesapet e skuadrës jeshile të Francës.
