Goditi Dimitri Paje, tifozi e pëson rëndë
Është e çuditëshme se si në një kampionat elitar dhe me standarte të larta në të gjithë komponentët, incidentet në futboll të jenë aq shumë prezente. Bëhët fjalë për Ligë 1 ku alarmi për dhunë, zbret deri te goditja e futbollistëve.
Incidenti i ndeshjes Lion-Marsejë në fundjavë, vazhdon të përflitet në Francë. Sulmuesi Dimitri Paje u godit me shishe në kokë nga një tifoz i Lionit. Kjo bëri që ndeshja të ndërpritej.
Komisioni Disiplinor ka marrë vendimin për tifozin e Lionit.
Ai u dënua me 6 muaj liri me kusht, gjithashtu dhe me 5 vite përjashtim nga stadiumet. Gjykatësja Beatris More në një deklaratë për këtë vendim tha:
“Ne po shohim një rritje të aksidenteve dhe akteve të dhunës dhe kërkoj një dënim shembullor”.
Ndërkaq për tu duartrokitur veprimi i shpejtë i tifozëve të Lionit.Ata e goditën me shuplakë tifozin e lajthitur pas gjestit të bërë ndaj lojtarit të Marsejës.
Tre muaj më parë Nicë- Marsejë i dha startin incidenteve në futbollin francez. Më pas sërish mareja në dhunën Angers- Marsejë.