Rosi “fik” motorin në Misano, përgatitet festë speciale

“Gara në Misano do të jetë një shans i madh për të përshëndetur të gjithë tifozët”, deklaron Valentino Rosi i cili numëron mbi 400 gara zyrtare.

Valentino Rosi do të garojë në Itali për herë të fundit këtë fundjavë, pasi pas 26 vitesh në pistë. Kampioni nga Tavullia ka dekltuar nga gara e kaluar në Austri se në fund të sezonit do ‘fikë’ motorin.

“Nga sporti mëson shumë. Edhe për jetën e përditshme. Gjithmonë jam kënaqur. Kam mbledhur eksperienca të mira. Mëson të punosh në ekip, kjo është një gjë e bukur që të bën të rritesh, mëson të marrësh më të mirën nga të tjerët. Pa menduar se kjo është gara ime e fundit në Itali. Ndihem normal, asgjë e veçantë, thjesht dua të përpiqem të kaloj një fundjavë të bukur. Do të jetë e bukur, emocionuese, por nuk ka ndonjë ndryshim të madh për mua “.

Më pas piloti legjendar pyetet nëse është penduar kur deklaroi largimin. Përgjigja e sinqertë e doktorit: “Në Austri të gjithë më pyetën se si ndihesha. Në Austri e mora vendimin zyrtarisht, por duhej të qëndroja i fokusuar në pjesën tjetër të sezonit, në Valencia do të jetë ndryshe sepse do të jetë Gara e fundit, do të jetë më emocionuese, kam thënë këtë. Të flasësh për paranojën është një thënie në Itali, nuk është fundi i botës. Penduar? Sigurisht që jo”.