Motori i katërt sezonal, Sainz i fundit…
Me 7 gara nga fundi, Leklerk mendon se Verstapen fiton Botërorin.
Piloti i Ferrarit Karlos Sainz do të niset i fundit në garën zyrtare të Stambollit në program të dielën në 14:00. Ishin komisionerët e FIA-s ata që vendosën pasi në makinën kokëkuqe u realizua vendosja e motorit të katërt sezonal nga tre që lejon rregullorja.
Një histori e përsëritur këtë botëror te skudaria italiane pasi dhe në pistën e Rusisë piloti tjetër monegazi Sharls Leklerk, vendosi të katërtin mbi njëvendëshe duke u penalizuar e nisur i fundit.
Duke folur për këtë garë Leklerk u shpreh:“Në GP të Turqisë dua të përsëris suksesin e vitit 2020 kur u rendita i 4-ti: motori i ri është një hap përpara. Kush e fiton titullin? Unë them Verstapen “,ndër të tjera.
Kampionati botëror i Formula 1 kryesohet nga Luis Hamilton i Mercedes me dy pikë më shumë se holandezi i Red Bull Maks Verstapen. Të dielën në 14:00 gara në Turqi.