Në Berlin mbërrin logoja e Euro 2024
Logoja e ‘Euro 2024’ u zbulua këtë mbrëmje në Olympiastadion në Berlin, Gjermani, vendi ku turneu do të zhvillohet në më pak se tre vjet në dhjetë qytete.
Logoja e turneut përbëhet nga flamujt e 55 federatave anëtare të UEFA -s dhe ngjyrat e tyre të cilat mblidhen në kombinime të ndryshme, duke pasqyruar formën e kulmit të Olympiastadion.
Kupa e famshme Henri Delaunay spikat në qendër të logos, ndërsa 24 segmentet me ngjyrë rreth trofeut përfaqësojnë 24 skuadrat pjesëmarrëse në Kampionatin Europian.
Slogani ‘Të bashkuar në futboll’. Ai jep mesazhin e unitetit, grumbullimit dhe përfshirjes. Ndeshjet do të luhën në stadiumet në Berlin, Këln, Dortmund, Duseldorf, Frankfurt, Gelsenkirchen, Hamburg, Leipzig, Mynih dhe Shtutgart.