Java e katërt, Bylis në Pogradec, Besa në Mat
Pogradeci- Bylis dhe Burreli- Besa sfidat kryesore të ditës.
Në Kategorinë e Parë aty ku dhe skuadra me histori e kanë të pashmangshme një aventurë të shkurtër apo të gjatë, gjithënjë ka rivalitet. Ky edicion teksa ka luajtur 3 javë, ka nisur me formatin një grup duke evidentuar shpejt risitë por dhe projeksionin eventual të skuadrave në garë.
Bylis i rrëzuar sezonin e kaluar nga Superiorja e ka nisur mjaft mirë. Tri fitore dhe vendi i parë. Befasojnë dy skuadrat e ngjitura nga Kategoria e Dytë. Butrinti dhe Shkumbini janë në vendet 3 dhe 4 në një kompeticion ku asistojnë 16 skuadra.
Ndërkaq 4 ekipe tradite si Besëlidhja, Burreli,Pogradeci dhe Lushnja pozicionohen pas tri javëve në fund.
Sot akti i katërt duke nisur nga ora 14:00:
Pogradeci- Bylis
Lushnja- Butrinti
Korabi- Besëlidhja
Apolonia- Tërbuni
Erzeni- Turbina
Burreli- Besa
Shkumbini- Maliqi
Vora- Tomori