Skënderbeu di të ndalë Partizanin
Abissnet Superiore java e dytë: Skënderbeu- Partizani 1-1 (Zhunior 56′ pen/ E.Berisha 57′)
Karton i verdhë për Elvi Berishën pas festës analoge me Stenio Zhunior te golat.
Skënderbeu- Partizani luajtur pasditen e sotme në Korçë, prodhoi shifrat e barabartë 1-1.
Florian Lata gjyqtari i cili akordoi një penallti inekzistente për të kuqtë shndërruar në gol nga Zhunior (56′) u bë protagonist shpesh në vendime të diskutueshme në sfidën e Korçës.
Goli i shpejtë i barazimit nga Elvi Berisha në të 57-ën pas atij gabimi të Damçevskit u duk logjik i atij 90 minutëshi luajtur me grintë sportive.
Pavarësisht se Partizani i’u afrua disa herë golit në fund, gjithëçka u mbyll barazim. Skuadrat pas javës së dytë me nga një pikë.
Formacionet startuese:
Skënderbeu – Rexhepi; Bajrami, Zhan Viktor, Sadriu, Vangjeli; Vrapi, Meksi, Mensah, Vitija; Berisha, Mara. Tr: Migen Memelli.
Partizani – Alban Hoxha; Musta, Gligorov, Belica, Damçevski, Marku; Murataj, Kaçe, Lukas Kardozo; Cara, Zhunior. Tr:Ilir Daja.