Shehi: Tirana e ka detyrim fitoren
Tirana ndaj Egnatias në raundin e dytë të Abissnet Superiore. Do të luhet të dielën në 13:45 në “Selman Stërmasi” . Aty ku në javën e parë bardheblutë mundën 4-2 Skënderbeun.
Shehi trajeri i 25 herë kampionëve të vendit vlerëson Egnatian dhe pret fitoren. Fundja para tij ka qënë presidenti Halili që ka insistuar e lënë detyrë për objektivin tri ndeshje,tri fitore. Trajneri durrsak i Tiranës thotë në konferencë:
“Gjendja e skuadrës është e mirë. Seferi nuk është stërvitur me grupin vetëm ditët e para, por më pas është bashkuar. Besoj se është në gjendje të luajë e për të qenë në formacion.
Superliga ka kundërshtarë realisht të fortë. Egnatian nuk e perceptojmë nga emri, por nga cilësia e lojtarëve që është skuadër që po bën investime dhe në minutat e fundit të merkatos ka marrë lojtarë cilësorë.
Pra jemi të vetëdijshëm që do të jetë një ndeshje e vështirë përballë një kundërshtari që këtë vit ka ardhur në elitë, por brenda për brenda ka cilësi dhe lojtarë me peshë”.