Graniti mund Covidin, kthehet në Londër
Mesfushori i Arsenalit dhe i kombëtares së Zvicrës, Granit Xhaka hedh pas shpine infektimin me COVID-19. Nga sot, Graniti figuron i shëruar plotësisht. Sipas mediave të ndryshme mesfushori sot do të udhëtojë drejt Londrës për tu bashkuar me Topçinjtë e Mikel Artetës.
Kapiteni i Zvicrës dhe Arsenalit me prejardhje nga Podujeva nuk ka pranuar të vaksinohet ndërsa nga 2 shtatori pas analizave pozitiv, ishte në izolim në Zvicër.
Ndërkaq Arsenal ka në program takimin e fundjavës me Bërnlin. Fitorja ndaj Noruiç minimalisht 1-0 ka rikthyer besimin te Arsenal që gjithësesi, mbetet në epiqendër të kritikave. Me Xhakën në bord, Arteta ka një diamant më shumë…
