CHL femra/ Vllaznia paraqitje dinjitoze në Torino
Vllaznia e Shkodrës largohet me dinjitet nga Champions League për femra. Ekipi i Nikolin Lekës pas humbjes në Shkodër në ndeshjen e parë ndaj Juventusit (0-2) ka luajtur sot të kthimit në një kompleks sportiv në Torino dhe sërish shifrat kanë folur për italianet.
Skuadra shkodrane është mundur edhe në ndeshjen e kthimit me shifrat 1-0. Goli i vetëm i ndeshjes u shënua nga Stasova në minutën e 34-ët të fraksionit të parë.
Kështu Vllaznia ka mbyllur aventurën në Champions në fazën e play off, duke dëshmuar se stabiliteti dhe forca aktuale e grupit njeh progres dhe se mund të bëjë sërish mirë edhe ndaj rivalëve të nivelit të lartë europian.