Imeri përforcimi i radhës te Egnatia
Te Vllaznia shpesh flitej se mesfushori shfaqej me hope në fushë. Sot firmos për një sezon në Rrogozhinë.
Një ndër lojtarët e dalluar te Vllaznia sezonin e kaluar Demir Imeri lë shkodranët dhe përfundon në Rrogozhinë.
Mesfushori shtatshkurtër 26-vjeçar është aktivizuar me disa ekipe ndërsa ka luajtur me disa klube në travat shqiptare por dhe në Ukrainë e Finlandë. Egnatia përmes një postimi në rrjete ka zyrtarizuar lëvizjen e futbollistit.
Klubi ka përparuar edhe në infrastrukturë dhe me disa futbollistë cilësorë dhe një trajner të zotin si Gugash Magani pritet të jetë mjaft aktive në kompeticionin ku u kthye që nga 2005-sa kur së bashku me Laçin u rrëzuan nga Superiorja e atij edicioni.
