Partizani zbardh axhendën para Bazelit
Të enjten në ‘Elbasan Arena’ 20:30 e kthimit Partizani- Bazel.
Pritet që ndeshja e kthimit Partizani- Bazel të ketë relativisht pak tifozë në ‘Elbasan Arena’. Humbja e thellë 3-0 në të vajtjes, forca e kundërshtarit e mbi të gjitha temperaturat e larta, kondicionojnë jo pak. Megjithatë Ilir Daja i ka mësuar sportdashësit ku ka punuar se di të surprizojë.
Ndërkaq, klubi Partizanit në prag të takimit të dytë të turit të dytë në Ligën e Konferencës me Bazel, ka bërë publike sot axhendën dy ditore.
Më herët klubi njoftoi për biletat, çmimet dhe vendshitjen e tyre.
Partizani informacion:
Informacion në prag të takimit Partizani – Basel i vlefshëm për turin e dytë të Ligës së Konferencës:
“Të mërkurën dt. 28 korrik ora 19:30 do të zhvillohet konferenca për shtyp e trainerit të Partizanit Ilir Daja në sallën e konferencave të stadiumit “Elbasan Arena”.
Të mërkurën ora 20:00 do të zhvillohet stërvitja zyrtare e ekipit të Partizanit në stadiumin “Elbasan Arena”.
Prezenca e mediave do të lejohet 15 minuta për të ndjekur stërvitjen. Faleminderit!”