Dinamo godet sërish, Demiri vishet blu
26 vjeçari i lindur në Shkup, kalon nga Kukësi te Dinamo.
Besir Demiri është goditja e radhës e Dinamos së rikthyer në Kategorinë Superiore. Te kampi blu, pasi kanë afruar lojtarë si Patrik Bardhi, Enis Gavazaj, Aleksandër Isaevski, Goran Stiljanovski etj, marrin një tjetër futbollist që bën diferencë në Superiore. I prerë për linjën e majtë…
Kësisoji, 18 herë kampionët e vendit, në krye të të cilit në stol është vënë Bledi Shkëmbi pritet të futen në garë me objektivë të lartë.
Njoftimi i Dinamos:
‘Futboll Klub Dinamo vazhdon të kompletojë organikën e futbollistëve. Firma e rradhës është lojtari polivalent i Kombëares së Maqedonisë së Veriut, Besir Demiri. 26-vjeçari, pas eksperiencave me klube në Ukrainë, Sllovaki, Maqedoninë e Veriut dhe Superligën Shqiptare ka arritur akordin me Dinamon’.