UEFA hap hetim për Arnautoviç-Alioski
Uefa ka hapur një hetim disiplinor kundër austriakut Marko Arnautoviç, i cili të dielën pranoi se kishte shqiptuar fjalë fyese gjatë fitores në Kampionatin Evropian kundër Maqedonisë së Veriut (3-1).
Një “inspektor etik dhe disiplinor” janë caktuar për të hetuar incidentin që përfshin mesfushorin 32-vjeçar, tha UEFA në një deklaratë, pa dhënë detaje të mëtejshme.
Kjo është nisma e parë e procedurës disiplinore, që synon konstatimin e fakteve, ndërsa UEFA ende nuk ka treguar se cila pikë në kodin e Disiplinës mund t’i atribuohet Arnautoviç.
Lojtari, me origjinë serbe dje, u kërkoi falje në Instagram “miqve të tij nga Maqedonia e Veriut dhe Shqipëria”, duke iu referuar “shkëmbimeve të fjalëve fyese gjatë ndeshjes”, pa zbuluar përmbajtjen e tyre.
Disa media kishin folur për fyerje ndaj mbrojtësit të Lids, Ezgjan Alioski me origjinë shqiptare. Pamjet televizive tregojnë se shoku i tij i ekipit David Alaba po përpiqej ta ndalte nismëm e lojtarit me një lumë sharjesh drejt Alioskit.