Belgjika luan në Rusi, Çerçesov fitojmë
Belgjikë- Rusi në program sot në 21:00 në Shën Petersburg (Gazprom Arena, 68 mijë vende) përbën dhe ndeshjen deçizive të ditës. Fakti që belgët shihen si favoritë dhe rusët që luajnë si udhëtues në shtëpi, e balancon ndjeshëm sfidën.Ndërkohë, të dy trajnerët në konferencë për shtyp u deklaruan të premten se duan të mos dalin pa pikë.
Trajneri i Belgjikës, spanjolli Roberto Martinez, para ndeshjes me Rusinë, e vlefshme për Grupin B, theksoi rëndësinë e ndeshjes së parë:
“Ndeshja e parë është shpeshherë më e vështira në një turne të madh. Duhet të futesh në lojë i përgatitur, si mendërisht ashtu edhe fizikisht. Do të jetë një provë e vërtetë, ne e njohim shumë mirë këtë skuadër. Ata e dinë përmendësh fushën dhe do të kenë mbështetjen e tifozëve të tyre.”
Ndërkaq, Stanislav Çerçesov, vlerësoi rivalin por nuk e fshehu dëshirën për ta fituar takimin.
“Belgjika ka 18 lojtarë që kanë luajtur në Kupën e Botës në 2018. Ata padyshim që janë një ekip i fortë. Ne jemi përballur me ata tri herë në vitet e fundit dhe të gjitha ndeshjet ishin vërtet argëtuese. Nesër duhet të luajmë në maksimumin tonë për të fituar.”
Së fundmi, Rusia ka humbur me belgët dy takime 3-1 dhe 4-1 në kualifikimet europiane dhe ka barazuar 3- 3 në miqësore)
Ky takim do të gjykohet nga spanjolli i njohur Mateo Lahoz.