Xhaferi në ‘finish’, Vllaznia ka presidentin e ri
Sipas Top Channel sponsori i Vllaznisë Alban Xhaferi, i paraqitur në ankandin e hapur prej muajsh me firmat Albaphoto dhe Albasport, konsiderohet fitues me ofertën prej 65 milionësh lekësh të reja.
Aktualisht ankandi i hartuar në tre faza ka skualifikuar më parë për mungesë dokumentacioni dy ofertuesit e tjerë Joni 5 dhe Almiro Gurakuqi bashkë me Carpathia Shpk. Këta të fundit kanë dërguar një ankesë duke e konsideruar si gabim njerëzor mangësinë e dokumentacionit në dosje, por gjithçka duket të jetë rrëzuar përfundimisht ditën e premte.
Sakaq, Bashkia Shkodër, i ka kthyer përgjigje Gurakuqit ku në sqarimin e mungesës së një sërë dokumentacioni, mbyllet me përgjigjen:
“Ankesa e paraqitur nga bashkimi i operatorëve ekonomik “Almiro Gurakuqi”, person fizik dhe “Carpatha” SH.P.K, nuk qëndron dhe në këto kushte nuk merret parasysh.”
Kjo i jep fund sagës disa mujore të pronësisë së Vllaznisë e cila i kalon sponsorit aktual, Alban Xhaferi me bashkimin e operatorëve ekonomik Albaphoto dhe Albasport.
megjithatë për të zyrtarizuar Xhaferin do duhet të pritet edhe zyrtarizimi në ditët në vijim. Akimimi brenda 7 ditësh në Komisionin e Prokurimit Publik nga grupi ankimues në këtë rast Almiro Gurakuqi.