Finalja/ Shkumbini fitues në Kategori të Dytë

Finale e Kategorisë së Dytë në ‘Elbasan Arena’: Shkumbini- Maliqi 1-0

Shkumbini dhe Maliqi pasi siguruan ngjitjen në Kategorinë e Parë sot u ndeshën në Elbasan Arena’ për të diskutuar trofeun e kësaj lige. Përpos çmimit me Kupën përkatëse, FSHF ka akodruar për fituesin edhe 20 milion lekë të vjetër.

Ndërkaq kjo përballje e gjykuar nga ndërkombëtari Enea Jorgji, shfaqi anët sportive dhe nivelin e tyre që në fillim të takimit. Ekipi i trajnerit Lorenc Pashja ia doli të shënojë golin me Do Santos në të 10-tën pas një harkimi nga djathta dhe zhytjes me kokë të brazilinait.

Maliqarët e teknikut Malësia edhe pse u munduan të balancojnë shifrat nuk iu mjaftoi entuziazmi. Një skuadër me histori si Shkumbini në gjirin e të cilëve gjëndën ende futbollistë që kanë luajtur në Superiore si Ramazani e Mustafai, diti të administrojë dhe të fitojë trofeun.

Burime nga klubi bardhekaltër theksojnë se pas trofeut të fituar do të ketë një mbrëmje festive por dhe një ptremio tjetër speciale.